男子組

中環人收工除呔　黑皮鞋收埋
穿新出經典復刻　七零年波鞋
湊夠腳約吓老友　踢吓波冇壞
細個既老友到晒　個個都肚腩大

新波衫波砵皮球衝出球場拉柴
心情如小孩　仲扮活潑通山嗌
波友一黐埋　吹水懶灰諧
三張幾通處派　佢大力射左出界

身邊靚女走晒　我額頭禿鬼晒
仲廿歲仔咩　嘥氣
你係咪要想死　想死你都有排

車樓我點供晒　一身屁股的債
仲扮眼濕濕　扮晒o翕耷
但係我都冇錢　點借錢你還欠債

老友咪嘆氣　我點幫你　baby
振振兩臂拍拍背肌
打氣　baby　力要谷起
想當天可以孩子氣　未要(子貝)飛
今天爭爭氣男子組靠你

死仔　黎埋堆啦埋
死佬　玩得起玩埋
死仔包　爭乜鬼金牌
一齊　跑唔完都跑埋

小球場　一班耆英　跑全場死捱
筲箕灣施丹大坑碧咸狂打柴
踢兩野個個斷氣　個個煙癮大
老友記老過魯爾　對腳應砌去賣

呢班波　當打時期　羅小型球金牌
呢場全挽鞋　大啖白泡嘔得快
口水都乾埋　踩波車拗柴
乜筋都抽過晒　佢淨係打winning快

啤酒兩jar隊晒　身紀有得好快
係咪要修身　減肥
食藥再搣脂　姿整過小女孩

翻工我翻足晒　我份人工減晒
又未到炒得　未算死得　就算炒
最多早退休　暢遊世界

細個大家執波很快
個個大把瀟灑走上街
球場維記　行行企企
平台訓覺　魚翅我食到飽晒

要買合金爸爸即買
細個話之當街小個解
童年時你　童年時我
聯群結拜　成個世界我玩晒

老友咪放棄　放都嘥氣　baby
振振兩臂　拍拍背肌
打氣　baby　用腦谷起
一班啤酒肚在喘氣　大曬腹肌
波波交俾你男子組靠你

老友我撐你　我梗幫你　baby
振振兩臂　拍拍背肌
打氣　baby　射到飛起
今天點可以話之你　仲放飛機
爭番一口氣男子組靠你